लेखः ओशो इन्टरनॅशनल सेन्टर मॉनसून म्यूझिक फ़ेस्टिवल

 ओशो इन्टरनॅशनल म्यूझिक फेस्टिव्हल अेक अनुभव!

भाग १

(ओशो इन्टरनॅशनल मेडिटेशन सेन्टर येथे आयोजित मॉनसून फ़ेस्टिवल 11 ऑगस्ट 2023 ते 16 ऑगस्ट 2023.)

“ओशो, अेक वादग्रस्त आध्यात्मिक गुरू!”, ही ओशोंची प्रतिमा माझ्या डोक्यात होती. प्रसार माध्यमे त्यांच्या बद्दल परस्पर विरोधी बातम्या देतअसत आणी अजुनही त्यांच्या आयुष्यावर आधारित अशा मालिका, माहितीपट बनत असतात. 

अेक टूरीस्ट डेस्टिनेशन म्हणुन मला या जागे विषयी जिज्ञासा होती. ओशो म्यूझिक फ़ेस्टिवलला जायचं ठरवलं ते माझी माझ्याहून वयाने बरीचलहान असलेली आणी अनेक वर्ष माझ्या बरोबर जीम तसेच योगा करणारी माझी मैत्रीण मैत्री शहा हिच्यामुळे. ती गेली अनेक वर्ष तिथे जातअसते. यंदाचा कार्यक्रम ठरला आणी तिने ताबडतोब त्याची माहिती दिली. महोत्सवाच्या चार महिने आधी आम्ही ऑन लाइन बुकिंग केलं. 

11 ते 15 असे तिथे राहून आम्ही 16 तारखेला परत मुंबईला आलो. ओशो गेस्टहाउसला रहिलो. एसी रूम प्रतिदिन पाच हजार, फ़ेस्टिवल प्रत्येकदिवसाचे हजार. नाश्ता दोन्ही वेळचं जेवण यांची कुपन्स नऊ हजार, प्रत्येकी दोन असे अेकूण चार गाउन्स ज्याची किंमत चार हजार सहाशे आणीमुंबई-पुणे-मुंबई टॅक्सी प्रवास असा सर्व मिळून दोघांचा खर्च साधारण पन्नास हजार झाला. 

मेन गेटवर रजिस्ट्रेशन प्रक्रिया पूर्ण करून प्रवेश दिला जातो. तुमची फोटो आयडी म्हणजेच आधार कार्ड कॉपी/ पॅन कार्ड कॉपी/ पासपोर्ट कॉपीद्यावी लागते. हे दिलं की तुमचा फोटो घेतला जातो आणि मग तुमचा विशिष्ट काळासाठीचा गेट पास बनतो. ओशो सेन्टरचे समोरासमोर दोनविभाग आहेत. मधून अेक छोटा रस्ता जातो. कुठल्याही विभागात प्रवेश करताना तुमचा गेट पास स्कॅन करावा लागतो. तो केला की तुमचा फोटोसमोर दिसतो आणी मगच तुम्हाला प्रवेश मिळतो. 

पास नसेल तर प्रवेश मिळत नाही. हा पास बनतो तिथेच तुम्हाला जेवण, चहा नाश्ता, रोब्सची खरेदी इ. गोष्टींची कुपन्स खरेदी करावी लागतात. तुम्ही कुठलीही वस्तू विकत घेतलीत की त्या कुपनवरील त्या किमतीचे चौकोन खोडले जातात. ओशो सेन्टरची ही पध्दत अत्यंत काटेकोरपणेपाळली जाते. कुठलाही अनोळखी माणूस प्रवेश करू शकत नाही आणी पैशांचा वापर नसल्याने त्यात भ्रष्टाचार नाही.

आम्ही ओशो गेस्ट हाउसचं बुकिंग केलं होतं. ओशो गेस्ट हाउसला साठ रुम्स आहेत आणी इथे राहिलं की ओशों सेन्टर मधील सर्व कार्यक्रमांनावेळेत उपस्थित रहाणं सोईच होतं. ह्या गेस्ट हाऊसचे कामकाज सोडेस्को ही कंपनी पहाते. ओशो सेन्टरच्या जवळील इतरही प्रॉपर्टीज़ ही कंपनीपहाते. त्या सर्व मिळून त्याच्याकडे अेकूण दोनशे रूम्स आहेत. 

ओशो सेन्टरमधे दिवसा मरून रंगांचा लांब गाऊन घालणे सक्तीचे आहे. रोज संध्याकाळी पावणे सात ते साडे आठ या वेळात पांढरा गाऊनघालणे सक्तीचे आहे. ह्या वेळात ओशो सांध्य सभेचं आयोजन असतं, तेंव्हा पांढरा गाऊन घालून तुम्हाला ओशो ऑडिटोरियमला उपस्थितरहायचो असतं. या सांध्य सभेच्या वेळात कुणिही इकडे तिकडे फिरू शकत नाही. जर सांध्य सभेला जायचं नसेल तर सेन्टरच्या बाहेर जायचंआणी साडे आठ नन्तर यायचं अथवा तुमचं वास्तव्य असेल त्या जागेतच रहायचं. हा पांढरा गाऊन फक्त सांध्य सभेसाठीच वापरायचा. तो घालूनइतर जागी फिरायचं नाही. सभा संपली की रात्री कुठलेही कपडे घालू शकता. 

————————————————————-

चारुलता काळे

🙏